1/6 

   

Spænski listamaðurinn Ignacio López Moreno, sem jafnframt er prófessor við Háskólan í Murcia, færði Skrímslasetrinu þá höfðinglegu gjöf síðastliðið haust að mála á veggi þess sannkallað listaverk með skrímslaþema. „Ég kom hingað í fyrravetur með rannsóknarstyrk upp á vasann og var þá hjálpað á allra handa máta. Þá dvaldi ég líka á Ísafirði og svo í Reykjavík. Síðan fór ég til Spánar og lauk doktorsritgerð minni en Íslandsdvölin setti mark sitt á hana.“
Það væsti ekki um hann hér á norðurhjara um miðjan vetur. „Nei, í raun var veturinn mun veðursælli en ég átti von á en þó er það hlýhugur Íslendinga sem kom mér mest á óvart. Sem dæmi um þetta get ég sagt að þegar ég kom aftur til Bíldudals nú í júlí var mér tekið eins og hverjum öðrum Bílddælingi sem væri kominn heim úr langri kaupstaðaferð.“

Það ætti því ekki að fara fram hjá nokkrum manni hvar Skrímslasetrið er til húsa.